منظومات أتمتة على n8n
29 workflow شغّالين على n8n في 3 منظومات: تقارير وتنبيهات بالذكاء الاصطناعي، وتشغيل فريق العمل، ونشر محتوى تلقائي على 6 منصات.
- workflow شغّال
- 29
- منظومات
- 3
- منصات نشر
- 6
01المشكلة
شغل متكرر كان بياخد ساعات كل يوم: حد بيجمع أرقام وأخبار من كذا مصدر عشان يكتب تقرير الصبح، وموظفين بيسجّلوا حضورهم وتقاريرهم في جداول بإيدهم والمدير بيجمّعها آخر الأسبوع، ومقالات بتتنشر على كل منصة لوحدها وبصياغة مختلفة. ولما الشخص المسؤول يغيب، الشغل كله بيقف.
02اللي بنيناه
بنينا 3 منظومات على n8n فيها 29 workflow. التقارير بتتجمع بياناتها وأرقامها بتتحسب بكود، وبعدين Gemini بيكتبها وتتبعت في معادها، ومعاها تنبيهات فورية وبوت محادثة. والحضور والتقارير بقوا بزرار في Slack، والتقرير اليومي بيتجهّز من نشاط Jira، والمدير بيستلم الملخص الأسبوعي بالإيميل. والمقالات بتتحوّل لبوستات لكل منصة، وبتتنشر على 6 منصات بعد الموافقة على تليجرام.
03أهم المميزات
- 29 workflow شغّالين على n8n في 3 منظومات
- تقارير يومية وأسبوعية بتتكتب بالذكاء الاصطناعي
- تنبيهات فورية وبوت محادثة على تليجرام
- حضور وانصراف بزرار في Slack، وتقرير يومي من Jira
- نشر على 6 منصات، بعد الموافقة بس
- معالج أخطاء بتنبيه فوري لو أي خطوة فشلت
لقطات من المنتج
تقرير يومي بالذكاء الاصطناعي: من جمع البيانات لحد ما يوصل 
تشغيل فريق العمل: الحضور والتقارير من Slack و Jira 
نشر محتوى على 6 منصات بعد الموافقة
أسئلة شائعة
أسئلة عن المشروع
-
المنظومات دي شغّالة على إيه؟
على n8n، وده برنامج أتمتة مفتوح المصدر ينفع يشتغل على سيرفرك أو على n8n Cloud. كل workflow ليه جدول تشغيل أو بيشتغل لحظة ما حدث يحصل، ومفيش أي خطوة يدوية.
-
الذكاء الاصطناعي بيعمل إيه بالظبط؟
بيكتب نص التقارير، وبيصيغ البوستات لكل منصة، وبيفهم رسايل البوت. الأرقام نفسها بتتحسب بكود قبله، فالذكاء الاصطناعي ما بيخترعش أرقام.
-
لو خطوة فشلت؟
فيه معالج أخطاء بيبعت تنبيه فوري على تليجرام باسم الـ workflow والخطوة اللي وقفت. وفي النشر، مفيش حاجة بتطلع غير بعد الموافقة.
-
ينفع تعملولي أتمتة لشغلي؟
أيوه. نفس الطريقة بتنفع لأي شغل متكرر: تقارير مبيعات، ومتابعة طلبات، وتنبيهات مخزون، وبوت يرد على العملاء، وحضور وانصراف.